وزیرٹرانسپورٹ خیبر پختوانخواہ کی بلاول بھٹو کو بی آر ٹی دیکھنے اور سفر کرنے کی دعوت

پشاور : وزیرٹرانسپورٹ خیبر پختوانخواہ شاہ محمد نے بلاول بھٹو کو بی آر ٹی دیکھنے اور سفرکرنے کی دعوت دے دی، رکن سندھ اسمبلی عدیل احمد نے کہا بلاول زرداری پشاور آکر بی آر ٹی دیکھیں اور کچھ شرم کریں۔

تفصیلات کے مطابق ارکان سندھ اسمبلی عدیل انجینئر اور ارسلان تاج بی آرٹی دیکھنے پشاورپہنچ گئے، وزیرٹرانسپورٹ خیبر پختوانخواہ شاہ محمد اور ارکان سندھ سمبلی نے زو کارڈ بنوایا ، دونوں ممبران صوبائی اسمبلی کوکارخانواسٹاپ تک بی آر ٹی بس میں لے جایا گیا۔

ارسلان تاج نے کہا بہترین ٹرانسپورٹ فراہم کرنے پر حکومت کےپی دادکی مستحق ہے، مرادعلی شاہ پشاورآکر کچھ سیکھیں اور سندھ میں بھی کوئی منصوبہ بنائیں، پی ٹی آئی کی حکومت نے پشاور کو تبدیل کر دیا۔

صوبائی وزیر شاہ محمد نے بلاول بھٹو کو بھی بی آر ٹی دیکھنے اور سفرکرنے کی دعوت دیتے ہوئے کہا بلاول بھٹو تنقید کے بجائے خودآ کر بی آر ٹی دیکھ لیں ، بی آر ٹی افتتاح کی خوشخبری جلد عوام کو ملے گی۔

رکن سندھ اسمبلی عدیل احمد کا کہنا تھا کہ بی آر ٹی بہترین منصوبہ ہے، پیپلز پارٹی کب ایسےمنصوبےشروع کرےگی،بلاول زرداری بی آر ٹی پشاور آکر دیکھیں اور کچھ شرم کریں، پی ٹی آئی نےجس طرح پشاورکوبدلہ بلاول زرداری لاڑکانہ اورسندھ کو بدلیں۔

The post وزیرٹرانسپورٹ خیبر پختوانخواہ کی بلاول بھٹو کو بی آر ٹی دیکھنے اور سفر کرنے کی دعوت appeared first on ARYNews.tv | Urdu - Har Lamha Bakhabar.